२०८२ चैत २९ गते १६:५९ 
News Summary
Generated by OK AI. Editorially reviewed.- कराते वान प्रिमियर लिगको फाइनलमा एरिका गुरुङ कजाखस्तानकी सोफिया बेरत्सेभासँग २-१ ले पराजित भइन्।
- एरिकाले सेमिफाइनलमा इटलीकी फेराकुट्टी क्लेलाई ८-३ ले पराजित गर्दै फाइनलमा प्रवेश गरिन्।
- एरिकाले क्वाटरफाइनलमा स्लोभाकियाकी मारिया जिबरेत जालालाई ८-० ले हराएकी थिइन्।
२९ चैत, काठमाडौं । कराते वान प्रिमियर लिगमा एरिका गुरुङले फेरि रजत पदक जितेकी छन् । आइतबार भएको फाइनलमा एरिका कजाखस्तानकी सोफिया बेरत्सेभािँग २-१ ले पराजित भइन् ।
एरिकाले सेमिफाइनलमा इटलीकी फेराकुट्टी क्लेअलाई ८-३ ले पराजित गर्दै एरिका फाइनलमा पुगेकी थिइन् ।
यसअघि टर्किएमा भएको कराते वान प्रिमियर लिगमा पनि एरिका फाइनलमा सोफियासँगै पराजित भएकी थिइन् ।
क्वाटरफाइनलमा एरिकाले स्लोभाकियाकी मारिया जिबरेत जालालाई ८-० ले पराजित गरेकी थिइन् । त्यसअघि समूह चरणमा एरिकाले लगातार तीन खेल जितेकी थिइन् ।
मोन्टेनेग्रोकी जोमाना डामजानोभिचलाई २-० ले पराजित गर्दा दोस्रो खेलमा डब्लुकेएफकी मारिया मालाखाभालाई सेन्युको आधारमा पराजित गरिन् ।
मारियासँग १-१ को बराबरीपछि एरिका सेन्सुको आधारमा विजयी भएकी थिइन् । तेस्रो खेलमा जर्मनीकी जोहान्ना कानिरलाई २-१ ले पराजित गरेकी थिइन् ।
एरिकाको प्रशिक्षक कुशल श्रेष्ठले यस पटक प्रिमियर लिग विशेष भएको तर सबै कुरा राम्रो हुँदा हुँदै पनि फाइनलमा पराजित भएको बताए । ‘हामीले इजिप्टमा वर्ल्ड च्याम्पियनसिपमा स्वर्ण जितेकी जर्मनीकी खेलाडीलाई समूह चरणमा हराएको थियौँ । सेमिफाइनलमा पनि इटलीको राम्रो खेलाडीलाई हरायौँ । फाइनलमा यो पटक हाम्रो जित हुने सम्भावना धेरै लागेको थियो । तर यो पटक हरेक कुरामा ठिक हुँदा हुादै पनि हारियो । कहिलेकाँही केही कुराले साथ दिँदैन भन्ने फिल भयो ।’ श्रेष्ठले भने ।
फाइनल जित्नका लागि मानसिक शारीरिक भन्दा पनि तयारीमा ध्यान दिनुपर्ने उनले बताए ।
अब मोरोक्कोमा प्रिमियर लिग र एसियन च्याम्पियनसिप आउँदै गरेको र त्यसमा ध्यान दिने श्रेष्ठले जानकारी दिए ।
प्रतिक्रिया 4