टक्सार पिखुवा खोला हाइड्रोपावरको आईपीओ बाँडफाँट

News Summary

Generated by OK AI. Editorially reviewed.

टक्सार पिखुवा खोला हाइड्रोपावर कम्पनीको प्राथमिक सेयर (आईपीओ) बाँडफाँट भएको छ।
वैशाख २३ देखि २८ गतेसम्म खुलाइएको आईपीओमा २९ लाख ४८ हजार ९ सय ६६ जनाले आवेदन दिएका थिए।
गोलाप्रथाबाट २ लाख ५१ हजार ५४५ जनाले सेयर पाएका छन् र नतिजा सीडीएससीको वेबसाइटमा हेर्न सकिनेछ।

६ जेठ, काठमाडौं । टक्सार पिखुवा खोला हाइड्रोपावर कम्पनीको प्राथमिक सेयर (आईपीओ) बाँडफाँट भएको छ।

सेयर निष्कासन तथा बिक्री प्रबन्धक प्रभु क्यापिटलले एक औपचारिक कार्यक्रममार्फत आईपीओ बाँडफाँट गरेको हो ।

वैशाख २३ देखि २८ गतेसम्म आम सर्वसाधारणका लागि खुलाइएको आईपीओमा २९ लाख ४८ हजार ९ सय ६६ जनाले आवेदन दिएका थिए । तीमध्ये १ लाख ७७ हजार ७१४ आवेदन विविध कारणले बदर भएको थियो । २७ लाख ७१ हजार २ सय ५२ आवेदन सदर भएको थियो ।

सदर भएका आवेदनमध्ये गोलाप्रथाबाट २ लाख ५१ हजार ५४५ जनाले सेयर पाएका छन् । सेयर पाएका मध्ये ५ जनाले ११ कित्ताका दरले र बाँकीले १० कित्ताका दरले पाएका छन् । आईपीओको नतिजा सीडीएससीको वेबसाइटबाट हेर्न सकिनेछ ।

कम्पनीले ८ मेगावाटको टक्सार पिखुवा खोला जलविद्युत आयोजना सञ्चालन गरेको छ । जसको प्रतिमेगावाट लागत २३ करोड ५३ लाख रुपैयाँ छ । आयोजनाको साधारण लगानी फिर्ता हुने अवधि ९.१७ वर्ष रहेको छ भने डिस्काउन्टमा लगानी फिर्ता हुने अवधि १८.३७ वर्ष रहेको छ।