२०८३ जेठ ११ गते २०:४१ 
News Summary
Generated by OK AI. Editorially reviewed.- नेपालकी पलेशा गोवर्धनले मंगोलियामा भएको ११औं एसियाली पारा तेक्वान्दो प्रतियोगितामा कांस्य पदक जितेकी छन् ।
- सेमिफाइनलमा इरानकी खेलाडीसँग पराजित भएपछि पलेशा कांस्यमा सीमित भएको प्रशिक्षक कविराज नेगी लामाले बताए ।
- प्रतियोगितामा सहभागी अन्य नेपाली खेलाडी अमिर ब्लोन र रेणु तामाङ पहिलो चरणमै पराजित भएका छन् ।
११ जेठ, काठमाडौं । नेपालकी पलेशा गोवर्धनले ११औं एसियाली पारा तेक्वान्दो प्रतियोगितामा सोमबार कांस्य पदक जितेकी छन् ।
मंगोलियाको उलानबटारमा भएको प्रतियोगिताको के–४४ क्याटगोरीको महिला ५७ केजीमुनि पलेशाले कांस्य जितेकी हुन् । पहिलो चरणमा बाइ पाउदै पलेशा सोझै सेमिफाइनलमा प्रवेश गरेकी थिइन् ।
सेमिफाइनलमा पलेशा इरानकी जहरा रहिमीसंग पराजित भएपछि कांस्यमा सीमित भएको टोली प्रशिक्षक कविराज नेगी लामाले जनाएका छन् ।
के–४४ क्याटगोरीअन्तर्गत पुरुष ६३ केजीमुनि अमिर ब्लोन र महिला ४७ केजीमुनि रेणु तामाङ पहिलो चरणमै पराजित भए । दुवै इरानी खेलाडीसँग चुके ।
अब अमिर र रेणु उलानबटारमै मंगलबारदेखि हुने आईची–नागोया एसियाली पारा तेक्वान्दोको छनोट प्रतियोगितामा सहभागी हुने छन् । विजेता र उपविजेता एसियाली पारा तेक्वान्दोका लागि छनोट हुने छन् ।
पलेशा भने छनोट प्रतियोगतामा सहभागी हुने छैनन् । पलेशा विश्व र्याङ्किङका आधारमा एसियाली पारा तेक्वान्दोका लागि छनोट भइसकेकी छन् ।
प्रतिक्रिया 4