कांग्रेस उपसभापतिमा चन्द्र, मधु र विनोद विजयी

News Summary

Generated by OK AI. Editorially reviewed.

नेपाली कांग्रेसको उपसभापतिमा चन्द्र भण्डारी ३ हजार ७३५, मधु आचार्य २ हजार ३४२ र विनोद चौधरी १ हजार ७४५ मतसहित निर्वाचित भएका छन्।
महामन्त्रीमा प्रदीप पौडेल, उदयशम्शेर र डिला संग्रौला निर्वाचित भएका छन्।
खुला उपसभापतिमा गोविन्द भट्टराईले १ हजार ७५२, सुरेन्द्रराज पाण्डेले १ हजार ६७३, धनराज गुरुङले १ हजार ५९६, दीपक गिरीले ९२३ र चन्द्र मोहन यादवले ७६० मत पाए।

२६ असोज, काठमाडौं । नेपाली कांग्रेसको उपसभापति पदमा चन्द्र भण्डारी, मधु आचार्य र विनोद चौधरी निर्वाचित भएका छन् ।

उपसभापति पदमा खुल्लातर्फ चन्द्र भण्डारीले सर्वाधिक ३ हजार ७३५ मत पाएर विजयी भए । मधु आचार्य पनि २ हजार ३४२ मत सहित उपसभापतिमा विजयी भए ।

समावेशी उपसभापति पदमा बिनोद चौधरी १ हजार ७४५ मतका साथ निर्वाचित चुनिए ।

खुला उपसभापतिका अन्य प्रतिस्पर्धीहरूमा गोविन्द भट्टराईले १ हजार ७५२, सुरेन्द्रराज पाण्डेले १ हजार ६७३, धनराज गुरुङले १ हजार ५९६, दीपक गिरीले ९२३ र प्रा.डा. चन्द्र मोहन यादवले ७६० मत प्राप्त गरेका छन् ।

समावेशी उपसभापतिमा प्रतिस्पर्धा गरेका जीवन परियारले १ हजार ६५८, फरमुल्लाह मन्सुरले १ हजार १४४, सीता गुरुङले १ हजार ११२ र रन्जित कर्णले ५६२ मत प्राप्त गरेका छन् ।

महिला उपसभापतिमा यसअघि नै पुष्पा भुसाल निर्विरोध निर्वाचित भइसकेकी थिइन् । वरिष्ठ उपसभापति पदमा पनि विश्व प्रकाश शर्मा निर्विरोध भएका थिए ।

यो पनि पढ्नुहोस

पुष्पा भुसालको राजनीतिक छलाङ

कांग्रेसको संशोधित विधानमा वरिष्ठ उपसभापतिसहित पाँच जना उपसभापति हुने व्यवस्था छ ।

ट्रेन्डिङ +

ताजा अपडेट +

नधोइकन बाक्लो ब्ल्यांकेट कसरी सफा गर्ने ? दुर्गन्ध हटाउने ४ उपाय

कुरुप बन्ने भयमा आतंकित प्रकृति

नोबेल पुरस्कारको पोर्ट्रेट कसरी बनाइन्छ ?