२०७२ साउन ३२ गते १७:४८ 
३२ साउन, काठमाडौं । म्यानचेष्टर युनाइटेडले किन्ने इच्छा देखाएका सर्जिओ रामोस रियल मड्रिडमै बस्न सहमत भएका छन् ।
रामोससँग पाँच वर्षे नयाँ सम्झौतामा हस्ताक्षर भएको स्पेनिस जाइन्ट रियल मड्रिडले बताएको छ । अब उनी सन् २०२० को जुलाई ३० सम्म रियलमै रहनेछन् ।
इकर कासियासले क्लब छोडेपछि प्रशिक्षक राफेल बेनिटेजले रामोसलाई नै कप्तानी दिएका छन् ।
युनाइटेडले २९ वर्षीय डिफेण्डर रामोसलाई २८.६ मिलियन पाउण्डको प्रस्ताव राखेको थियो, जुन अस्वीकृत भयो ।
रामोसको नयाँ सम्झौता पछि गोलकिपर डेभिड डि जिया रियल मड्रिडमा तत्काल नजाने सम्भावना बढेको छ ।
युनाइटेडले रामोस युनाइटेड ल्याउने सम्झौतामा मात्र जियालाई बेच्ने बताएको छ ।
प्रतिक्रिया 4