२०७६ कात्तिक २७ गते १६:३२ 
२७ कात्तिक, काठमाडौं । अष्ट्रेलियन महिला फुटबलर साम कर चेल्सीमा आवद्ध भएकी छन् । विश्वकै उत्कृष्ट स्ट्राइकर मध्ये एक मानिएकी कर वुमन सुपर लिग लिडर चेल्सीमा आवद्ध भएकी हुन् ।
२६ वर्षीया कर अष्ट्रेलियन र अमेरिकन लिगकी सर्वाधिक गोल कर्ता हुन् । उनले इंग्लिस क्लबसँग साढे २ वर्षको सम्झौता गरेकी छन् ।
उनले जनवरीबाट चेल्सीमा उपलब्ध हुनेछन् । वुमन सुपर लिग विश्वकै उत्कृष्ट लिग भएको भन्दै करले भनेकी छन्, ‘म टिमको सफलता चाहन्छु र म यो सहज होस् भन्न चाहन्नँ ।’
चेल्सीले पछिल्लो वर्ष टिम बनाउन विशेष काम गरेको भन्दै उनले भनिन्, ‘म केही उपाधि उचाल्न चाहन्छु ।’
प्रतिक्रिया 4