१ अरब पटक हेरियो धनुषको ‘राउडी बेबी’

साउथका सुपरस्टार धनुषको आवाजमा समावेश तमिल चलचित्र ‘मारी २’मा समावेश ‘राउडी बेबी’ बोलको गीतले युटुबमा १ अरब भ्यूज पाएको छ । कुनै साउथ चलचित्रको गीतले युटुबमा १ अरब भ्यूज पाएको यो पहिलो हो ।

सन् २०१८ मा रिलिज भएको यो चलचित्रको ‘राउडी बेबी’ बोलको गीतमा धनुष र धी को आवाज छ । नायक धनुषले यो गीतले १ अरब भ्यूज पाएको खुशी व्यक्त गरेका छन् । साउथ चलचित्रको गीतलाई १ अरब भ्युज मिलेको भन्दै उनले खुशी व्यक्त गरेका हुन् ।

धनुषको आवाजमा समावेश ‘कोलावेरी डी’ बोलको गीत पनि सुपरहिट भएको थियो ।