शतकधारी डोहेनीको इनिङ अन्त्य । तीव्र गतिका बलर रिजन ढकालको अफ साइडको बल कट खेल्ने धुनमा एज लागेर विकेटकिपर अर्जुन साउदबाट क्याच आउट भए । उनले १२९ बलमा ८ चौका र २ छक्कासहित सर्वाधिक १०७ रन बनाए ।

सट कभरमा फिन ह्यान्ड क्याच आउट । रञ्जितलाई तेस्रो विकेट । खराब सट खेल्दै विकेट फान्न पुगे ।

गेभिन १४ रनमा बोल्ड । रञ्जितलाई दोस्रो र टोलीलाई छैटौं विकेट ।

नेपाललाई पाँचौं सफलता । रिजन ढकालको बलमा ठूलो सट खेल्न खोजेका उनी अर्जुन कुमालबाट १ रनमा क्याच आउट भएका हुन् । स्टेफन ६७ रनमा क्रिजमा छन् । उनी अर्को एण्डबाट साथ चाहन्छन् । यता नेपाल भने स्टेफनको विकेट खोल्नेछ । उनलाई आउट गर्न सके आयरल्यान्ड समस्यामा पर्ने देखिन्छ ।

एलबीडब्लू आउट । लेगस्टम्प केन्द्रित बल मिस गरेपछि २१ रनमा आउट भएका हुन् । उच्च लयमा रहेका कप्तान निल रक क्रिजमा आएका छन् ।

रञ्जितलाई पहिलो विकेट । टीयु एण्डबाट आएका उनले मध्यक्रमका ब्याटर केडलाई ८ रनमा बोल्ड आउट गरे ।

उत्कृष्ट क्याच आउट । लङअफबाट दौडिएर मिड विकेटमा रुपेशसिंहले क्याच लिँदै मुरलाई पेभेलिएन फर्काएका छन् । मुर २५ बलमा २ चौका र ५ छक्कासहित ४४ रनमा आउट भए ।

नेपाललाई विकेट । चोभार एण्डबाट आएका तीव्र गतिका बलर विकाश आग्रीको सट बलमा म्याकुलम ९ रनमा विकेटकिपर अर्जुन साउदबाट क्याच आउट ।

अर्जुनले हाइ गएको बल केहि दौडका साथ लिएका थिए । विकाश पहिलो पटक नेपाल ए बाट खेल्दैछन् । टी२० टोलीमा भएपनि एक खेल खेल्ने मौका पाएका थिएनन् । उनले सुदूरपश्चिमबाट घरेलु क्रिकेट खेल्ने गर्दछन् ।

अर्जुन कुमाल आउट । अघि बढेर सट खेल्ने धुनमा मिस भएपछि स्टम्पिङ आउट भए । १०२ रनको एक यादगार शतकीय इनिङ खेले ।

भीम सार्की फस्ट स्लिपमा क्याच आउट । भीम पहिलो बलमै आउट भएसँगै संकटमा नेपाल । ९५ रनमा क्रिजमा रहेका अर्जुन कुमाल ब्याटिङ गर्न स्टाइकमा आउन चाहन्छन् । ह्याटिक बलको सामना गर्न रुपेशसिंह आएका छन् ।

नेपाललाई अर्को झट्का । कप्तान विनोद भण्डारी लङअनमा ४ रनमा क्याच आउट भएका छन् । उनले प्रहार गरेको सटमा शक्ति नहुँदा ह्यान्डबाट क्याच आउट । भपम सार्की छैटौं नम्बरमा ब्याटिङ गर्न मैदान आएका छन् ।

नरेन भट्ट १५ रनमा बोल्ड आउट । क्रिजमा विनोद भण्डारी आएका छन् ।

बोल्ड । देव खनाल ११ रनमा आउट भएका छन् । चौथो नम्बरमा नरेन भट्ट आएका छन् ।

क्लिन बोल्ड । नेपाललाई पहिलो झड्का । अर्जुन साउद ४० बलमा ४ चौका र ३ छक्कासहित ३६ रन बनाए । पहिलो विकेटका लागि अर्जुन कुमाल र अर्जुन सादउले १२ ओभरमा ६८ रनको साझेदारी गर्दै उत्कृष्ट सुरुवात दिलाएका छन् । त्यो सुरुवातलाई सिनियर टोलीका भीम सार्कीले निरन्तरता दिनुपर्ने हुन्छ ।