Nepal Super League 2025

नेपाल सुपर लिग (एनएसएल) नेपालको एक मात्र फ्रेन्चाइज फुटबल लिग हो । यो फुटबल संघ (एन्फा)ले गर्ने पिरामिड शैलीको लिग भन्दा फरक खालको लिग हो । एनएसएलको तेस्रो संस्करण यही मार्च २९ देखि अप्रिल २६ (चैत १६ देखि २०८२ बैशाख १३ गते) सम्म हुनेछ । तेस्रो संस्करणमा ७ टोलीले प्रतिस्पर्धा गर्नेछन् । साविक विजेता ललितपुर सिटी एफसीसहित काठमाडौं रेजर्स, झापा एफसी, एफसी चितवन, पोखरा थण्डर्स, बुटवल लुम्बिनी एफसी र धनगढी एफसीले यस सिजन उपाधिका लागि प्रतिस्पर्धा गर्नेछन् ।

दोस्रो संस्करणमा खेलेका स्पोर्टिङ इलाम र वीरगंज युनाइटेड भने यस पटक सहभागि छैनन् । दुवैले नाम फिर्ता लिए । इलाम र वीरंगजसँगै दोस्रो सिजन झापा एफसीले डेब्यु गरेको थियो । झापाले भने पूर्वको एक क्लबको रुपमा खेल्दैछ । बाँकी ६ टिम भने पहिलो सिजन देखि निरन्तर खेलिरहेका छन् ।

फुटबलमा प्राय २३ खेलाडी एक टिममा हुन्छ । एनएसएलमा पनि २३ खेलाडी नै हुन् । तर यस पटक आयोजकलले नियम केही परिवर्तन गरेको छ । यस पटक स्क्वाड साइज २२/२३ को हुनेछ । कुनै टिमले २२ खेलाडी पनि राख्न पाउनेछ । यसमा एनआरएनए कोटा छ । त्यो कोटा राख्दा २३ पुग्नेछ भने नराखेमा २२ खेलाडी हुनेछ ।

एनएसएलमा विदेशी खेलाडी पनि आउनेछन् । यस पटक विदेशी खेलाडीको संख्या पनि धेरै छ  । हरेक टिमले ६ विदेशी खेलाडी राख्न पाउनेछन् । जसमा आइकोनिक खेलाडी पनि भन्न पाइनेछ । यस पटक कूल ४२ विदेशी खेलाडी नेपालमा खेल्न आउँदैछन् । त्यसमा यसअघि एनएसएल खेलेका ७ खेलाडी मात्र तेस्रो संस्करणमा खेल्नेछन् । जसमा ललितपुरलाई दोस्रो संस्करणमा च्याम्पियन बनाएका ३ खेलाडी (जेफ्री बाल्टुस, इमोह इजेकेल, पापा इबोउ केबे)यस पटक पनि ललितपुरबाट खेल्दैछन् । यस्तै धनगढीमा उपविजेता बनाएका दुई विदेशी ओलावाले आफिज र मोहम्मद हिजाजी पनि धनगढीबाटै खेल्नेछन् । टोरिक जेबरिनले पनि एफसी चितवनबाटै लगातार खेल्नेछन् ।

नेपालमा अनुभवी खेलाडी स्टेफेन विनोङ पनि लगातार तेस्रो सिजन एनएसएल खेल्दैछन् तर फरक टिमबाट । पहिलो संस्करणमा काठमाडौं रेजर्सबाट उपाधि जितेका स्टेफेनले दोस्रो संस्करण बुटवल लुम्बिनीबाट खेलेका थिए भने यस पटक पोखरा थण्डर्सका अनुबन्ध भएका छन् ।

एनएसएल विजेताको पाउने ट्रफी सार्वजनिक भइसकेको छ भने पुरस्कार राशी सार्वजनिक गरेको छैन । आयोजकले विजेताले पाउने ट्रफीलाई  सहभागि ७ वटै फ्रेन्चाइज टिमको शहरमा ट्रफी टुर गराएको थियो ।

एनएसएल ३.०  खेलतालिका ।