अभिनेत्री मिथिला शर्माले शुक्रबार कोर्ट म्यारिज गरेर शनिबार पारिवारिक भोज गरिन् । पूर्व आइजीपी मोतिलाल बोहरासँग मिथिलाले गोप्य बिहे गरेकी हुन् । उनको बिहेमा चलचित्रकर्मी र पत्रकार सहभागी हुन पाएनन् ।
शनिबार परिवारलाई पुल्चोकको एक रेष्टुरेन्टमा उनले भोज दिइन् । उनले शनिबार आफूले आमा-बुबासँग आर्शिवाद लिएको बताइन् । बिहे पश्चात जीवनमा आएको फेरबदलको बारेमा केही समयपछि मात्र प्रतिक्रिया दिने उनले बताइन् ।
उनले आफूले सुटुक्क बिहे नगरेको बताइन् । ‘मैले सामान्य मात्र बिहे गर्न खोजेकी हुँ, यसैले कसैलाई पनि समेट्न सकिन’, मिथिलाले अनलाइनखबरसँग भनिन् ।

प्रतिक्रिया 4