२०७१ फागुन ११ गते ८:३८ 
११ फागुन, काठमाडौं । क्रिष्टियानो रोनाल्डो रियल मड्रिडका तेस्रो सर्वाधिक गोलकर्ता बनेका छन् ।
आइतबार राति इल्चेलाई २–० गोल अन्तरले पराजित गर्ने क्रममा रोनाल्डोले एक गोल गरेका हुन् । यससँगै रियलका लागि उनको गोल २९० भएको छ ।
उनले स्पेनका स्ट्राइकर कार्लोस सान्टिलानालाई पछि पारे । १९७१ मा डेब्यू गरेका उनले ६४५ खेलमा २८९ गोल गरेका छन् । रोनाल्डोले भने मात्र २८१ खेलमा २९० गोल गरेका छन् ।
रोनाल्डो रियल मड्रिडका सर्वाधिक गोलकर्ता राहुल भन्दा अब ३३ गोलले पछि छन् ।
इल्चेविरुद्धको जितसँगै रियल मड्रिडले बार्सिलोनासँगको अंक दुरी चार बनाएको छ । बार्सिलोनाले शनिबार राति मालागासँग अप्रत्यासित हार ब्यहोरेको थियो ।
रियल मड्रिडको २४ खेलबाट ६० अंक भएको छ भने दोस्रो स्थानमा रहेको बार्सिलोनाको ५६ अंक छ ।
०००
प्रतिक्रिया 4