१ असोज, काठमाडौं । असोज महिनाको पहिलो दिन तथा साताको दोस्रो दिन सेयर बजारमा सामान्य गिरावट देखिएको छ । साताको पहिलो दिन आइतबारको तुलनामा नेप्से परिसूचक शून्य दशमलव ०१ प्रतिशत अर्थात ०.१३ अंकले ओरालो लागेको हो ।
सोमबार सेयर बजारमा ०.१३ अंकको गिरावट देखिदा नेप्से परिसूचक १ हजार २ सय ५६ दशमलव ४० को बिन्दुमा आइपुगेको छ ।
परिससूचकसँगै कारोबार रकम पनि ओरालोतर्फ
नेप्से परिसूचकसँगै सोमबार कारोबार रकममा समेत गिरावट देखिएको छ । भदौ महिनाको अन्तिम दिन एवं साताको पहिलो दिन ९० करोड भन्दा माथि पुगेको कारोबार सोमबार भने ६९ करोडसम्म पुग्न सकेन ।
दिनभरमा ६ हजार ९ सय ४१ कारोबारबाट १ सय ६७ कम्पनीको २४ लाख २५ हजार ३ सय ३ कित्ता सेयर खरिदबिक्री भएको नेपाल स्टक एक्सचेञ्जले जनाएको छ ।
जसअनुसार ६८ करोड ७६ हजार ८८ सय ६५३ रुपैयाँको सेयर कारोबार भयो । दिनभरमा सबैभन्दा बढी कारोबार ग्लोबल आईएमइ बैंकको प्रमोटर सेयरको भएको छ ।
नेप्सेका अनुसार ग्लोबल आइएमई बैंकको प्रोमोटर सेयरमात्रै ९ करोड २६ लाख ९० हजार ८ सय ५४ रुपैयाँको कारोबार भयो ।
