३ असोज, महोत्तरी। महोत्तरीको औराही–१ का सन्तोषकुमार चौधरीकी ८ महिने छोरीको अपहरणपछि हत्यामा संलग्न मुख्य अभियुक्त पक्राउ परेका छन् ।
पक्राउ पर्नेमा भरतकुमार शाह छन् । उनलाई सुनसरीको भन्टाबारी क्षेत्रबाट पक्राउ गरेको प्रहरीले दाबी गरेको छ ।
यसअघि उनी भागेर भारत छिरेको आशंका गरिँदै आएको थियो । र, भारतीय प्रहरीको समेत समन्वयमा शाहको खोजी बढाइएको थियो ।
यो पनि पढ्नुहोस शिशु हत्या प्रकरणः सीसी टिभीमा देखिएका आरोपी अझै फरारमहोत्तरीका प्रहरी प्रमुख एसपी र्इश्वर कार्कीले सुनसरी प्रहरीसँगको समन्वयमा शाहलार्इ महोत्तरी ल्याउने प्रयास भइरहेको अनलाइनखबरलार्इ बताएका छन् ।
उनले भने, ‘भन्टाबारीमा पक्राउ गरेको खबर अाएपछि हामीले भेरिफिकेशनका लागि फोटो पठाएका थियौं । शाहलार्इ यहाँ ल्याउन समन्वय भइरहेको छ ।’
को हुन् शाह ?
वैदेशिक रोजगारीका लागि खाडी मुलुक गएर फर्किएका शाह यसअघि चोरी अभियोगमा जेल पनि परेका थिए । साहले नै आफ्नो छोरीलाई अपहरण गरेर हत्या गरेको मृतक शिशुकी बुबा सन्तोषले दाबी गरेका थिए ।
नजिकै रहेको सीसी टीभीको फुटेजमा पनि शाह देखिएका थिए । उनले पसलमा ग्राहकको भेषमा अाएर शिशुको अपहरणपछि हत्या गरेका थिए ।
शरीरका विभिन्न अंगमा चोट देखिएकाले शिशुमाथि दुश्कर्म समेत भएको पोस्टमार्टम रिपोर्टबाट खुलेको थियो ।
पीडित परिवारको घर नजिककै गाउँमा बस्ने शाह लागूऔषध दुर्व्यसनी समेत हुन् । घटनाको दुई दिनअघि उनले भिट्टामोडबाट ट्याबलेट किनेका प्रहरी अनुसन्धानबाट खुलेको छ ।
यो पनि पढ्नुहोस ८ महिने शिशुको अपहरणपछि हत्या, सीसीटीभीबाट अभियुक्तको पहिचानउनको घरपरिवारसँग पनि राम्रो सम्बन्ध छैन । मोबाइल लगायतका सामान लिएर हिँड्ने गर्न थालेपछि उनलाई घरबाट निकालिएको स्रोत बताउँछ ।
उनको वैबाहिक सम्बन्ध पनि राम्रो रहेन । ‘बिहे गरेर सुध्रिन्छ कि भन्ने थियो तर, भएन’, परिवारका एक सदस्यले प्रहरी अधिकारीसामू भनेका छन्, ‘०७० सालतिर ऊ कुबेत गएको थियो । तर, दुई/चार महिनामै डिपोर्ट भयो ।’
चोरी तथा लागूऔषध सेवन गर्दा पक्राउ परेका बेला कचहरी बसेर स्थानीय स्तरमै पटकपटक सजाय पाएका थिए । जति गर्दा पनि नसुध्रिएको भन्दै पछिल्लो पटक उनलाई गाउँबाट निकालिएको समेत प्रहरी अनुसन्धानले देखाएको छ ।
यो पनि पढ्नुहोस शिशुको अपहरणपछि हत्याको विरोधमा औरहीमा दिनभर प्रदर्शनकसरी भएको थियो घटना ?
औरहीमा सन्तोषको सानो पसल छ । जनै पूर्णिमाको दिन हात्तिसर्वाका भरत शाह टोपी किन्ने बाहानामा आएका थिए ।
पसलमा सन्तोषकी पत्नी थिइन् । भरतले टोपीको मूल्य सोधे, बार्गेनिङ गरे । सन्तोष भएको भए कम मूल्यमा दिन्थ्यो भन्दै आफू चिनजानकै भएको भन्ने आभाष दिलायो । त्यसक्रममा उनले ९ महिनाकी सोनालीलाई काखमा लिए ।
केहीबेरपछि फेरि आए । सन्तोषकी श्रीमती पसलमा व्यस्त रहेको मौका छोपेर फेरि सोनालीलाई काखमा लिए । यसपटक भने भारत बच्चा खेलाउँदा खेलाउँदै लिएर गायब भए ।
‘सानी बालिका भएकाले सबैले काखमा लिन्थे’, एक स्थानीय भन्छन्, ‘त्यस दिन पनि कसैले लिएको होला भनेर खोजिएन तर, आमाले खोज्दा वरपर बच्चा नभेटिएपछि हल्लीखल्ली मच्चिएको थियो ।’
यो पनि पढ्नुहोस ८ महिने शिशुको हत्याको छानबिन गर्ने प्रदेश सरकारको प्रतिवद्धता
