२०७५ मंसिर २३ गते ६:२१ 
२३ मंसिर, काठमाडौं । इंग्लिस प्रिमियर लिग फुटबलमा बर्नेमाउथलाई पराजित गर्दै लिभरपुल शीर्ष स्थानमा उक्लिएको छ ।
शनिबार राति भएको खेलमा बर्नेमाउथलाई ४-० गोलअन्तरले पराजित गर्दै लिभरपुल लिगको शीर्ष स्थानमा उक्लिएको हो । लिभरपुलको जितमा मोहमद सलाहले ह्याट्रिक गोल गर्दा एक गोल भने बर्नेमाउथका स्टिभ कुकले आत्मघाती गोल गरेपछि उपहार स्वरुप पाएको थियो ।
खेलको २५औं मिनेटमा सलाहले गोल गर्दै लिभरपुललाई अग्रता दिलाएका थिए । पहिलो हाफमा एक गोलले अघि रहेको लिभरपुलले दोस्रो हाफमा थप दुई गोल गर्दा एक गोल उपहार स्वरुप पाएको थियो ।
खेलको ४८औं मिनेटमा सलाहले अर्को गोल गर्दै लिभरपुललाई दोब्बर अग्रता दिलाएका थिए । खेलको ६८औं मिनेटमा कुकले आत्मघाती गोल गरेपछि लिभरपुलले ३-० गोलको अग्रता बनाएको थियो । खेलको ७७औं सलाहले गोल गर्दै ह्याट्रिक पूरा गर्दै लिभरपुललाई ४-० गोलको फराकिलो जित दिलाएका थिए ।
जितसँगै लिभरपुलले १६ खेलबाट ४२ अंक बनाउँदै लिगको शीर्ष स्थानमा उक्लिएको हो । पराजित बर्नेमाउथको भने १६ खेलबाट २३ रहेको छ ।
प्रतिक्रिया 4