५ असार, कात्तिक । काठमाडौं महानगरपालिकाले दुई क्षेत्रमा सम्पदा पदमार्ग निर्माण गर्ने भएको छ । आगामी आर्थिक वर्ष २०७६/७७ का लागि बिहीबार नीति तथा कार्यक्रम सार्वजनिक गर्दै महानगरका मेयर विद्यासुन्दर साक्यले दुई ठाउँमा सम्पदा पदमार्ग निर्माण गरिने बताएका हुन् ।
आगामी आर्थिक वर्षमा हनुमानढोकादेखि स्वयम्भूसम्म पुरातात्विक सम्पदा पदमार्गलाई कार्यान्वयनमा ल्याइने मेयर शाक्यले बताए । उनले पशुपतिनाथदेखि बौद्धस्तुपासम्म भने हरित सम्पदा पदमार्ग निर्माण गरिने बताए ।
अन्य सम्पदा पदमार्गहरु निर्माण गर्नका लागि विस्तृत अध्ययको थालनी पनि आगामी आर्थिक वर्षबाटै गरिने नीति तथा कार्यक्रममा उल्लेख गरिएको छ ।
महानगरले ऐतिहासिक, धार्मिक, पुरातात्विकक महत्वका टोल, बस्ती, मठ, मन्दिर, भाषा, लिपी, रितीरिवाज र अमुर्त सम्पदाको संरक्षण तथा सम्बर्द्धन गर्ने नीति तथा कार्यक्रममा समावेश छ ।
महानगरभित्र रहेका मठमन्दिर, पोखरी तथा संरक्षित क्षेत्रमा वृहत्तर विकास योजना बनाई क्रमबद्ध कार्यान्वयन गर्ने साथै शोभाभगववति क्षेत्रमा सहिद गंगाला श्रेष्ठ र दशरथचन्दको स्मृतिमा सहिदपार्क निर्माण गरिने मेयर शाक्यले बताए ।
यसैगरी हाँडीगाउँको लिच्छवीकालिन सभ्यताबारे थप विस्तृत अध्ययन अनुसनधान गर्ने पनि उनले बताए ।
महानगरले नेपाल भाष र नेपाली भाषा प्रवर्द्धनका लागि महत्वपूर्ण योगदान गर्ने श्रष्टाहरुका लागि हरेक वर्ष महानगर सािहत्य पुरस्कार प्रदान गर्ने समेत नीति बनाएको छ । सहि यसैगरी महानगरले आगामी आर्थिक वर्षभित्रमा बिभिन्न क्षेत्रमा शालिक समेत बनाउनेछ । धर्मभक्त माथेमाको सिफलमा, सहित दशरथको र गंगालालको शोभाभगवतिमा पूर्णकद्को शालिक प्रतिस्थापन गर्ने महानगरले बताएको छ ।
