काठमाडौं । लगातार तेस्रो पटक कोपा अमेरिकाको उपाधि जित्ने चिलीको सपनामा पेरु बाधक बनेको छ ।
बिहीबार भएको दोस्रो सेमिफाइनलमा पेरुले चिलीलाई ३–० को पराकिलो अन्तरले हराएको छ । अब उसले उपाधिका लागि ब्राजिलसँग खेल्नेछ, जो अर्जेन्टिनालाई हराएर फाइनल पुगेको छ ।
चिलीको घरेलु मैदानमा भएको खेलमा पेरुले २१ औं मिनेटमा इडिसन फ्लोरेसको गोलबाट अग्रता लिएको थियो । ३८ औं मिनेटमा योसिमार योतुनले गोल गर्दै पहिलो हाफमा पेरुलाई २–० को अग्रता दिलाए । उसका लागि अन्तिम गोल भने इन्जुरी टाइममा पाउलो गोरेगोले गरे ।
फाइनल खेल आइतबार रियो दि जिनेयियामा हुनेछ ।
