२२ कात्तिक, काठमाडौं । १३औं दक्षिण एसियाली खेलकुद (साग) प्रतियोगितामा सबैभन्दा बढी खेलाडी नेपालबाटै सहभागी हुने भएका छन् ।
राष्ट्रिय खेलकुद परिषद् (राखेप) ले उपलब्ध गराएको तथ्यांकअनुसार नेपालबाट ६४८ खेलाडीले विभिन्न खेलमा प्रतिस्पर्धा जनाउने भएको छ । त्यस्तै श्रीलंकाका ६२२ खेलाडीले भाग लिनेछन् ।
बंगलादेशले ५९१ खेलाडी नेपाली भूमिमा उतार्दा सागको लागि भारतले भने ४६१ खेलाडी मात्रै सहभागिता गराएको छ । यस्तै पाकिस्तानले ४१३, माल्दिभ्सले ३३२ र भुटानले १४२ खेलाडीलाई नेपालमा मंसिर १५ देखि २४ गतेसम्म हुने १३औं साग खेलकुदमा सहभागिता गराउँदै छन् ।
