काठमाडौं । प्रहरीले भन्सार छलेर ल्याउँदै गरेको कपडा बरामद गरेको छ । मालवस्तु भन्सार छली भित्र्याउँदै गरेको ३ लाख बराबरका कपडा प्रहरीले शुक्रबार नियन्त्रणमा लिएको हो ।
विशेष सूचनाको आधारमा जिल्ला प्रहरी कार्यालयबाट खटिएको टोलीले वीरगञ्ज महानगरपालिका-२ स्थित छप्कैयाबाट ३३७ पिप कुर्ता सुरुवाल, ३७ थान साडि र थानको कपडा ३२ थान बरामद गरेको हो ।
बरामद कपडा आवश्यक कारबाहीका लागि वीरगञ्ज भन्सार कार्यालयमा बुझाइने प्रहरीले जनाएको छ ।