२९ वैशाख, काठमाडौं । लिपुलेक मिचेर भारतले सडक निर्माण गरेको विरोधस्वरूप प्रदर्शनमा उत्रिएका पूर्वप्रशासकलगायत ५० जना माइतीघर मण्डलाबाट पक्राउ परेका छन् ।
पक्राउ पर्नेमा पूर्वसचिव द्वारिकानाथ ढुंगेल, पूर्व महालेखा नियन्त्रक सुकदेव भट्टराईलगायत छन् ।
उनीहरूलाई अहिले महेन्द्र पुलिस क्लबमा राखिएको प्रहरीले जनाएको छ ।
भारतले नेपालको लिपुलेक मिचेर सडक निर्माण गरेको विषय प्रकाशमा आएपछि विरोधका स्वर बढेका छन् । यही क्रममा सोमबार नै विद्यार्थीले भारत र नेपालका प्रधानमन्त्रीको पुत्ला दहन गरेका थिए ।
