२ जेठ, जनकपुरधाम । धनुषाको जनकपुरधाम उपमहानगरपालिकाका १७ बर्षीया किशोरी कोरोना संक्रमित रहेको भनिए पनि अहिलेसम्म फेला परेकी छैनन् ।
स्वास्थ्य तथा जनसंख्या मन्त्रालयले बिहीबार राति ८ बजेर ३० मिनेटमा जारी गरेको विज्ञप्तिमा धनुषाकी १७ बर्षीया किशोरीमा कोरोना संक्रमण भएको उल्लेख गरेको थियो ।
तर ती किशोरी फेला पार्न नसकिएको जनकपुरधाम उपमहानगरपालिकाका मेयर लालकिशोर साहले बताए ।
धनुषाका प्रमुख जिल्ला अधिकारी कोषहरि निरौलाले संक्रमित भनिएकी ती किशोरी जनकपुरको नभएको बताए ।
