+
+

गुल्मीमा थप १६ जनामा कोरोना संक्रमण पुष्टि

अनलाइनखबर अनलाइनखबर
२०७७ असार २ गते १९:२८

२ असार, गुल्मी । गुल्मीमा थप ११ जनामा कोरोना संक्रमण पुष्टि भएको छ । प्रादेशिक प्रयोगशाला रुपन्देहीमा गरिएको परीक्षणमा मंगलबार ११ जनामा कोरोना संक्रमण पुष्टि भएको प्रमुख जिल्ला अधिकारी भरतकुमार शर्माले बताए । यससँगै गुल्मीमा संक्रमितको संख्या ४८ पुगेको छ ।

प्रजिअ शर्माका अनुसार इस्मा गाउँपालिकाका ९, मालिका गाउँपालिकाका २, गुल्मी दरवार गाउँपालिकाका ४ र रेसुङ्गा नगरपालिकाका १ जनामा संक्रमण पुष्टि भएको हो ।

इस्मा गाउँपालिकामा १ देखि ४० वर्षका ९ जनामा संक्रमण देखा परेको उपाध्यक्ष विमला खत्रीले बताइन् । त्यस्तै मालिका गाउँपालिका–५ का १९ र २२ वर्षका पुरुषमा संक्रमण पुष्टि भएको गाउँपालिकाका प्रवक्ता शोभाखर गिरीले बताए ।

यस्तै गुल्मी दरवार गाउँपालिका वडा–२ का ३० र ३६ वर्षका तथा वडा–३ का ३८ र २१ वर्षका पुरुषमा संक्रमण देखा परेको गाउँपालिकाका स्वास्थ्य संयोजक नारायण अर्यालले बताए । त्यस्तै रेसुङ्गा नगरपालिका–१० का २० वर्षीय एक व्यक्तिमा संक्रमण पुष्टि भएको स्वास्थ्य संयोजक बोम अर्यालले बताए ।

भारतबाट आएर क्वरेन्टिनमा बसेका व्यक्तिहरुमा संक्रमण पुष्टि भएको प्रजिअ शर्माले बताए ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?