१८ असार, काठमाडौं । सप्तरीमा घरको पर्खालले च्यापिएर एक बालकको मृत्यु भएको छ । मृत्यु हुनेमा खडक नगरपालिका–१ बस्ने राजकुमार मण्डलको १० वर्षीय छोरा शिवकुमार मण्डल रहेका छन् ।
नगरपालिकाको रोलरले निर्माणाधिन बाटो सम्याउने क्रममा रोलरको कम्पनले बाटो छेउमै रहेको बाबुलाल झाको घरको ईंट्टाको पर्खाल भत्किँदा पर्खालले च्यापिएर मण्डलको घटनास्थलमै मृत्यु भएको प्रहरीले जनाएको छ ।
रोलर चालक हाल फरार रहेको र उनको खोजी कार्य भइरहेको प्रहरीले जनाएको छ । यस सम्बन्धमा प्रहरीले थप अनुसन्धान गरिरहेको छ ।