१९ असार, कैलाली । कैलालीमा जिपले साइकललाई ठक्कर दिँदा शुक्रबार एक जनाको मृत्यु भएको छ । भजनी नगरपालिका-१ मा जिपले साइकललाई ठक्कर दिँदा स्थानीय ५५ वर्षीय राधे लोनियाको मृत्यु भएको कैलालीका प्रहरी प्रवक्ता एवं प्रहरी नायव उपरीक्षक प्रतीक विष्टले जानकारी दिए ।
विपरीत दिशाबाट आइरहेका म १ च ४९२ नम्बरको जिपले साइकलमा सवार लोनियालाई ठक्कर दिँदा उनी गम्भीर घाइते भएका थिए । उनको उपचारको क्रममा मृत्यु भएको विष्टले जानकारी दिए ।
ठक्कर दिने जिपका चालकलाई नियन्त्रणमा लिएर थप अनुसन्धान भइरहेको उनले बताए ।
