दक्षिण कोरियाली अधिकारी मारिएकोमा उत्तर कोरियाले माग्यो माफी

९ असोज, काठमाडौं । उत्तर कोरियाली सर्वोच्च नेता किम जोङ उनले दक्षिण कोरियाली अधिकारी मारिएको घटनामा माफी मागेका छन् । उत्तर कोरियाले दक्षिण कोरियालाई पठाएको पत्रमा किमले यो घटनामा गल्ती भएको भन्दै उनले माफी मागेका हुन् । साथै उनले आफू दक्षिण कोरियाली अधिकारीको मृत्युप्रति निराश रहेको पनि उल्लेख गरेका छन् । यसअघि दक्षिण कोरियाली राष्ट्रपति मून जाइ इनले यो घटनाको भर्त्सना गरेका थिए । उनीमाथि यो घटनाको विषयलाई लिएर राजनीतिक दबाव पनि उल्लेख्यरुपमा बढेको थियो ।

यसअघि सोमबार डुङ्गमा अनुगमनको क्रममा गएका दक्षिण कोरियाली अधिकारी हराएका थिए । पछि उनी उत्तर कोरियाको समुद्रमा फेला परेका थिए । बिहीबार दक्षिण कोरियाले उनलाई गोली हानी हत्या गरिएको र जलाइएको बताएको थियो ।

यो पनि पढ्नुहोस

उत्तर कोरियाले आफ्न एक अधिकारीको हत्या गरेको दक्षिण कोरियाको आरोप

उत्तर कोरियाले यो घटनाको विषयमा अहिले अनुसन्धान भइरहेको बताएको छ । उत्तरका अनुसार उसको पश्चिमी समुद्र सीमामा यो घटना भएको हो । जहाँ दक्षिण कोरियाली अधिकारीमाथि १० राउण्ड फायर गरिएको थियो ।

स्रोत : अलजाजिरा