२३ पुस, गुल्मी । गुल्मीको सदरमुकाम तम्घासमा माघ १ गतेबाट क्रिकेट प्रतियोगिता आयोजना हुने भएको छ ।
पुलचोक युवा क्लबको आयोजनामा हुने प्रतियोगितामा चार टिमले सहभागिता जनाउने क्लवका अध्यक्ष नविन श्रेष्ठले जानकारी दिए ।
१२ वटै स्थानीय तहबाट खेलाडी छनोट गर्नका लागि तम्घासमा कार्यक्रम गरिएको क्लबका अध्यक्ष श्रेष्ठले बताए ।
प्रतियोगितामा प्रथम हुने टिमले ट्रफि, मेडल, प्रमाणपत्र र नगद पुरस्कार पाउने छन् भने द्वितीय हुने टिमले ट्रफि, मेडल, प्रमाणपत्र पाउने क्लवले जनाएको छ । प्रतियोगिता चार दिनसम्म चल्नेछ ।
