२०७७ माघ १२ गते ७:४७ 
१२ माघ, काठमाडौं । एल्चेलाई पराजित गर्दै बार्सिलोना स्पानिस ला लिगाको तेस्रो स्थानमा उक्लिएको छ । आइतबार भएको खेलमा बार्सिलोनाले एल्चेलाई उसैको मैदानमा २-० ले पराजित गरेको हो । जितपछि बार्सिलोनाले सेभियालाई अंकतालिकामा पछि पारेको हो ।
बार्साले दुवै हहाफमा एक एक गोल गरेको थियो । खेलको ३९औं मिनेटमा फ्रेन्की डे जोङले गोल गर्दै बार्सिलोनालाई अग्रता दिलाएका थिए । डे जोङकै पासमा वैक्लपिक लाडी रिक्की पुइजले ८९औं मिनेटमा दोस्रो गोल गरेका थिए ।
जितपछि १९ खेलबाट ३७ अंक जोड्दै बार्सिलोना तेस्रो स्थानमा उक्लेको छ । बार्सिलोना अझै लिग लिडर एट्लेटिको मड्रिडभन्दा ७ अंकले पछि छ र एट्लेटिकोले २ खेल कम खेलेको छ । १७ खेलबाट ४४ अंकसहित एट्लेटिको शीर्ग स्थानमा छ ।
१९ खेलबाट ४० अंकसहित रियल मड्रिड दोस्रो स्थानमा छ । समान खेलबाट ३६ अंक जोडेको सेभिया चौथो स्थानमा झरेको छ ।
प्रतिक्रिया 4