२०७७ माघ १२ गते ९:२३ 
१२ माघ, काठमाडौं । स्पानि ला लिगामा लिग लिडर एट्लेटिको मड्रिडले भ्यालेन्सियामाथि ७ अंकको अग्रता बनाएको छ । आइतबार भएको खेलमा भ्यालेन्सियालाई ३-१ ले पराजित गर्दै एट्लेटिकोले ७ अंकको अग्रता बनाएको हो ।
एट्लेटिको मैदानमा भएको खेलको ११औं मिनेटमा उरोस रासिसले गोल गर्दै भ्यालेन्सियालाई अग्रता दिलाएका थिए । उक्त अग्रता लामो समय टिकेन । २३औं मिनेटमा जाओ फेलिक्सले एट्लेटिकोका लागि बराबरी गोल फर्काए ।
पहिलो हाफ बराबरी भएको खेलमा एट्लेटिकोले दोस्रो हाफमा दुई गोल गर्यो । ५४औं मिनेटमा लुइस सुआरेजले गोल गर्दै एट्लेटिकोलाई २-१ को अग्रता दिलाए । ७२औं मिनेटमा एन्जल कोरेले गोल गरेपछि एट्लेटिको ३-१ ले विजयी भयो ।
जितपछि एट्लेटिकोले १८ खेलबाट ४७ अंक जोडेको छ । एक खेल बढी खेलेको रियल ४० अंकसहित दोस्रो स्थानमा छ।
प्रतिक्रिया 4