आइएमइ ‘भरोसा कोष’ अन्तर्गत प्रदेश नं. २ का लाभग्राहीहरूलाई रकम वितरण गरिएको छ।
मंगलबार राजधानी जनकपुरमा आयोजित एक कार्यक्रमकाबीच सोही प्रदेशका मूख्यमन्त्री लालबाबु राउतले उक्त कोषबाट रकम पाउने १५ जाना लाभग्राहीलाई चेक दिए।
सो कार्यक्रममा आइएमई ग्रुपका अध्यक्ष एवम् नेपाल उद्योग वाणिज्य महासंघका वरिष्ठ उपाध्यक्ष चन्द्रप्रसाद ढकाल र ग्रुपमा कार्यरत उच्च पदस्थ कर्मचारीहरुको सहभागिता रहेको थियो।
कोरोना भाइरस महामारीबाट विदेशमा मृत्यु भएका श्रमिकका आफन्तलाई सहयोग गर्ने उद्देश्यले यो कोष स्थापना भएको हो। कोषबाट आवेदकहरूलाई ५० हजारका दरले सहयोग रकम दिदैँ आएको छ।
