२०७८ चैत २० गते ७:२७ 
२० चैत, काठमाडौं । वाटफोर्डलाई पराजित गर्दै लिभरपुल प्रिमियर लिगको शीर्ष स्थानमा उक्लेको छ । शनिबार भएको खेलमा वाटफोर्डलाई २-० ले पराजित गर्दै लिभरपुलले म्यानचेष्टर सिटीलाई अंक तालिकामा पछि पारेको हो ।
घरेलु मैदान एनफिल्डमा भएको खेलमा लिभरपुलका लागि डिएगो जोटाले २२औं र फाबिन्होले ८९औं मिनेटमा गोल गरे ।
जनवरीमा सिटी भन्दा १४ अंकले पछि रहेको लिभरपुलले त्यसपछि लगातार १० खेल जितेर सिटीलाई २ अंकले पछि पारिसकेको छ ।
लिभरपुलको ३० खेलबाट ७२ अंक छ । सिटी २९ खेलबाट ७० अंकसहित दोस्रो स्थानमा छ ।
सिटीलाई बर्नलीसँगको खेलबाट शीर्ष स्थानमा फर्कने मौका छ ।
प्रतिक्रिया 4