सप्तरीमा मोटरसाइकलको ठक्करबाट एक जनाको मृत्यु

३० असार, सप्तरी । सप्तरीमा मोटरसाइकलको ठक्करबाट एक जनाको मृत्यु भएको छ ।

मृत्यु हुनेमा रुपनी गाउँपालिका-६ बस्ने ५५ वर्षीय दीपनारायण मेहता रहेको जिल्ला प्रहरी कार्यालय सप्तरीका प्रवक्ता एवं डीएसपी माधव प्रसाद काफ्लेले जानकारी दिए ।

डीएसपी काफ्लेका अनुसार पूर्वपश्चिम राजमार्ग अन्तर्गत रुपनी गाउँपालिका ६ स्थित बिरेन्द्र बजारमा पूर्वबाट पश्चिमतर्फ जाँदै गरेको स.४प १३३४ नम्बरको मोटरसाइकलले ठक्कर दिँदा घाइत भएका उनको राजविराजस्थित गजेन्द्रनारायण सिंह अस्पतालमा उपचारका क्रममा मृत्यु भएको हो ।

ठक्कर दिने मोटरसाइकल र चालकलाई नियन्त्रणमा लिई थप अनुसन्धान भइरहेको प्रहरीले जनाएको छ ।