१८ साउन, काठमाडौं । प्रिमियर लिगका खेलाडीहरूले हरेक खेलअघि रंगभेद विरुद्धको अभियानमा समर्थन जनाउँदै सुरु गरेको घुँडा टेक्ने शैलीलाई बन्द गर्ने भएका छन् ।
सन् २०२० मेमा अमेरिकामा जर्ज फ्लोयडलाई प्रहरी अधिकृतले घुँडाले घाँटी थिचेर हत्या गरेपछि विश्वभर ब्ल्याक लाइभ्स म्याटर अभियान सुरु भएको थियो ।
त्यसैको समर्थनमा प्रिमियर लिगमा हरेक खेलहरु खेलाडीले घुँडा टेकेर रंगभेदविरुद्ध समर्थन जनाएपछि सुरु हुने गरेको थियो ।
नयाँ सिजनका हरेक खेलमा भने खेलाडीले घुँडा टेक्ने छैनन् । त्यसको सट्टा लिगका केही चरणका खेलअघि घुँडा टेक्ने कार्य हुनेछ । विशेषगरी बक्ङ डे म्याच र कप फाइनलअघि घुँडा टेकिने छ । यस्तै प्रिमियर लिगका खेलाडी र अफिसियलले २०२२-२३ को सिजनको पहिलो र अन्तिम खेलअघि घुँडा टेक्नेछन् ।
प्रतिक्रिया 4