३५ प्रतिशत हकप्रद सेयर जारी गर्ने मल्टिपर्पस फाइनान्सको प्रस्ताव

२४ असोज, काठमाडौं । मल्टिपर्पस फाइनान्सले हकप्रद सेयर निष्कासन गर्ने प्रस्ताव गरेको छ ।

कम्पनीको ३ असोजमा बसेको सञ्चालक समितिको बैठकले हकप्रद सेयर जारी गर्ने प्रस्ताव गर्दै नेपाल राष्ट्र बैंकसँग स्वीकृति माग गरेको थियो । कम्पनीको साधारणसभाबाट प्रस्ताव पारित गरेर मात्रै स्वीकृतिका लागि पेश गर्न राष्ट्र बैंकले निर्देशन दिएको कम्पनीले जनाएको छ ।

कम्पनीले हाल कायम चुक्ता पूँजी ४५ करोड २० लाख रुपैयाँको ३५ प्रतिशत हकप्रद सेयर जारी गर्ने प्रस्ताव गरेको हो ।