दार्चुलाको प्रदेश सभामा माओवादीका धामी विजयी

७ मंसिर, धनगढी । नेकपा माओवादी केन्द्रले सुदूरपश्चिम प्रदेशमा खाता खोलेको छ । दार्चुलाको प्रदेशसभा (२) मा माओवादी केन्द्रका मानबहादुर धामी विजयी भएका छन् ।

सुदूरपश्चिम प्रदेशका उद्योग पर्यटन वन तथा वातावरण मन्त्री पनि रहेका धामी १३ हजार १७१ मतसहित विजयी भएका हुन् । उनका प्रतिद्वन्द्वी नेकपा एमालेका रामदत्त जोशीले ११ हजार ८५६ मत प्राप्त गरेका छन् ।

धामी २०७४ सालको निर्वाचनमा वाम गठबन्धनको साथ पाएर यसै क्षेत्रबाट विजयी भएका थिए । यसपटक उनलाई नेपाली कांग्रेस र नेकपा एकीकृत समाजवादीले सघाएको थियो ।