वेष्टहमसँग बराबरीमा रोकिएपछि लिभरपुललाई अर्को धक्का

१६ वैशाख, काठमाडौं । वेष्टहमसँग बराबरीमा रोकिएपछि लिभरपुलको प्रिमियर लिग जित्ने लक्ष्यमा अर्को धक्का लागेको छ ।

शनिबार राति भएको खेलमा लिभरपुल र वेष्टहमले २-२ को बराबरी खेलेका थिए ।

वेष्टहमको मैदानमा भएको खेलमा घरेलु टोलीका लागि जारोड बोवेन र माइकल एन्टोनिओले गोल गरे ।

लिभरपुलका लागि एन्डी रोबर्टसनले एक गोल गरे भने वेष्टहमका अरेओलेले आत्मघाती गोल गरेका थिए ।

बराबरीपछि लिभरपुल ३५ खेलबाट ७५ अंकका साथ तेस्रो स्थानमै छ । लिभरपुल शीर्ष स्थानको बर्सनलभन्दा २ र दोस्रो स्थानको म्यानचेष्टर सिटीभन्दा एक अंकले पछि छ ।

तर आर्सनलले एक खेल कम खेलेको छ भने सिटीले दुई खेल कम खेलेको छ । त्यसैले लिभरपुलको उपाधि होड अब कठिन बन्दै गएको छ ।

आर्सनलले आज टोटनहमसँग खेल्दैछ भने सिटीले नटिङहम युनाइटेडसँग खेल्नेछ ।

लिगकै अन्य खेलमा म्यानचेष्टर युनाइटेड बरन्सँग १/१ को बराबरीमा रोकिएको छ भने चेल्सी र एस्टन भिल्लाले २/२ को बराबरी खेलेका छन् ।

न्युक्यासल युनाइटेडले शेफिल्ड युनाइटेडलाई ५-१ ले पराजित गरेको छ । व्ल्भ्सले लुटन टाउनलाई २-१ ले तथा एभरटनले ब्रेन्टपोर्डलाई १-० ले हराएको छ ।

हारपछि शेफिल्ड युनाइटेडल प्रिमियर लिगबाट रेलेगसनमा परेको छ ।