सेभियाको पोष्टमा बार्सिलोनाको ५ गोल

५ कात्तिक, काठमाडौं । बार्सिलोनाले स्पानिस ला लिगामा सेभियामाथि ५-१ को फराकिलो जित हात पारेको छ ।

गएराति घरेलु मैदानमा भएको खेलमा बार्सिलोनालाई जित दिलाउन रोवर्ट लेवान्डोस्की र पाब्लो टोरेले २-२ गोल गरे । पेड्रीले १ गोल थपे ।

खेलको २४औं मिनेटमा लेवान्डोस्कीले पेनाल्टीमा गोल गर्दै बार्सिलोनालाई अग्तरा दिलाएका थिए । २८औं मिनेटमा पेड्रीले अग्रता दोब्बर पारे भने ३९औं मिनेटमा लेवान्डोस्कीले व्यक्तिगत दोस्रो गोल गरे । दोस्रो हाफमा दुवै टोल टोरेले गरे । ७६औं मिनेटमा लामिन यामलको स्थानमा मैदान प्रवेश गरेका उनले ८२औं र ८८औं मिनेटमा गोल गरे ।

सेभियाका लागि इडुम्बो-मुजाम्बोले ८७औं मिनेटमा एक गोल फर्काए ।

जितपछि शीर्ष स्थानको बार्सिलोनाले १० खेलबाट २७ अंक जोडेको छ र दोस्रो स्थानको रियल मड्रिडमाथि ३ अंकको अग्रता बनाएको छ । समान खेलबाट रियलको २४ अंक छ । एट्लेटिको मड्रिड २० अंकसहित तेस्रो स्थानमा छ ।

सेभिया १० खेलबाट १२ अंकसहित १३औं स्थानमा छ ।