जुनियर टेनिस शनिवारदेखि

२३ कात्तिक, काठमाडौं  । बागमती प्रदेश टेनिस संघको आयोजनामा होटल मिस्टिक माउन्टेन ग्रान्ड खुला जेटीआई जुनियर टेनिस प्रतियोगिता कात्तिक २४ गते (शनिबार)देखि हुने भएको छ ।

प्रतियोगितामा १४ स्पर्धामा १ सय २७ खेलाडीको सहभागिता रहने टेनिसकी मुख्य प्रशिक्षक रेणुदेवी कोन्डाले जनाएकी छन् । जहाँ यु–८, यु–९, यु–१०, यु–१२, यु–१४ र यु–१६ को ब्वाइज-गर्ल्स सिंगल्स तथा ब्वाइज-गर्ल्स डबल्समा प्रतिस्पर्धा हुनेछ ।

नेपाल टेनिस संघको प्राविधिक सहयोग तथा होटल मिस्टिक माउन्टेनको मुख्य प्रायोजनमा हुन लागेको प्रतियोगिताका खेलहरु सातदोबाटोस्थित टेनिस कम्प्लेक्समा हुनेछ ।

मंसिर १ गतेसम्म चल्ने प्रतियोगिताको कुल पुरस्कार राशी १ लाख ११ हजार रुपैयाँ रहेको छ ।