टीयू मैदानमा घाम ताप्दै एनपीएल हेर्दै

१७ मंसिर, काठमाडौं । नेपाल प्रिमियर लिग (एनपीएल)को आज दोस्रो दिन आज काठमान्डु गुर्खाज र चितवन राइनोज भिड्दैछन् ।

शनिबारदेखि सुरु भएको एनपीएलमा ८ फ्रेन्चाइज टिम सहभागी छन् ।

पहिलो दिनको तुलनामा आज दर्शकको संख्या केही कम छ । तर रौनक घटेको छैन । दर्शक दिर्घाका केही खाली स्थान पनि छ । पहिलो दिन शनिबार भएकोले दर्शकको धेरै भएर हुलमुलमा धकेलाधकेल हुँदा ८ जना घाइते भएका थिए ।

आज ढिला खेल हेर्न आउने दर्शकहरु पनि सहजै गेटबाट मैदान प्रवेश गरिरहेका छन् । दर्शकहरु बिहानको घाम ताप्दै खेल खेलिरहेका छन् । आज दुई खेल छ । दर्शकले एउटै टिकटले दुई खेल हेर्न सक्नेछन् ।

बागमती प्रलेशकै दुई टोली काठमान्डु गुर्खाज र चितवन राइनोजमैदानमा भिडिरहेका छन् । दर्शकहरु आ-आफ्नो टिमलाई समर्थन गरिरहेका छन् ।