२०८२ वैशाख १८ गते १५:३२ 
१८ वैशाख, काठमाडौं । यही वैशाख २० गते हुने बुढानीलकण्ठ फाइट नाइटको तयारी पूरा भएको छ । बुढानीलकण्ड हात्तिगाैडा खेलकुद कमिटीको आयोजनामा हुने फाइट नाइटको सम्पूर्ण तयारी पूरा भएको बिहीबार आयोजित पत्रकार सम्मेलनमा जानकारी दिइयो ।
प्रतियोगितामा नेपाल बाहेक भारत र थाइल्याण्डका खेलाडी पनि सहभागी हुने आयोजक कमिटीका अध्यक्ष निलम अधिकारी (श्री) ले जानकारी दिए ।
अन्तर्राष्ट्रिय खेलाडीहरु बोलाएर नेपाली खेलाडीहरुसँग प्रतिस्पर्धा गराउने र नेपाली खेलाडीको स्तर पनि बढाउने अवसरको रुपमा रहेको अधिकारीले बताए ।
प्रतियोगिताको मुख्य इभेन्टमा नेपालका मिलन तामाङ र थाइल्याण्डका असादा रकमितबीच प्रतिस्पर्धा हुनेछ ।
नेपाल र विदेशी खेलाडीबीच सात फाइट हुनेछ । दुई फाइट भने नेपाली खेलाडीबीच हुनेछ । महिलाको दुई फाइट हुनेछ । फाइट हेर्नका लागि कुनै प्रवेश शुल्क लाग्ने छैन ।
बुढानीलकण्ठ नगरपालिका वडा ८ का अध्यक्ष सुमन तामाङले बुढानिलकण्ठ खेलकुदको हब बन्दै गइरहेको र विभिन्न खेलमा यस क्षेत्रका खेलाडीहरु सहभागी हुँदै आएको बताए ।
प्रतिक्रिया 4