+

गोलकिपर रोशन खड्काले लिए सन्यास

२०८२ जेठ  ५ गते १७:४९ २०८२ जेठ ५ गते १७:४९
गोलकिपर रोशन खड्काले लिए सन्यास

News Summary

Generated by OK AI. Editorially reviewed.
  • बी डिभिजन लिगमा श्री कुमारी क्लबको कप्तान र गोलकिपर रहेका रोशन खड्काले सन्यास घोषणा गरेका छन् ।
  • श्री कुमारी क्लबले सरस्वती युथ क्लबलाई २-० ले पराजित गरेपछि रेलिगेसनबाट जोगिएको छ ।
  • लिगमा रोशन खड्काले १२ मध्ये ११ खेलमा पूरा समय मैदानमा बिताए भने ९ खेलमा कप्तानी गरेका थिए।

५ जेठ, काठमाडौं । बी डिभिजन लिग खेलिरहेका श्री कुमारी क्लबका गोलकिपर तथा कप्तान रोशन खड्काले सन्यास घोषणा गरेका छन् ।

हाल भइरहेको शहीद स्मारक बी डिभिजन लिग अन्तर्गत १२औं चरणको खेलमा सोमबार सरस्वती युथ क्लबलाई २-० ले पराजित गरेपछि रोशनले सन्यास घोषणा गरेका हुन् ।

दशरथ रंगशालमा भएको खेलमा सरस्वती क्लबलाई पराजित गरेपछि श्री कुमारी रेलिगेसनबाट जोगिएको छ र बी डिभिजनमा रहन सफल भएको छ ।

उनले सरस्वतीविरुद्ध पूरा समय मैदानमा बिताएका थिए ।

उनले यस सिजन बी डिभिजन लिगमा श्री कुमारीका लागि १२ मध्ये ११ खेल खेलेका थिए । त्यसमा ९ खेलमा कप्तानको भूमिकामा थिए ।

पहिलो खेल खेलेका थिएनन् भने दोस्रो र तेस्रो खेलमा यज्ञ प्रधानले कप्तानी गर्दा रोशन खड्का गोलकिपरको भूमिकामा मात्र थिए ।

उनले ए डिभिजन लिग क्लब नेपाल पुलिस क्लबबाट पनि खेलिसकेका छन् ।

धरानको मित्र मिलन क्लबबाट फुटबल खेल्न सुरु गरेका रोशनले त्यसपछि फ्रेण्ड्स क्लबबाट दुई वर्ष खेले । फ्रेण्ड्सबाट नेपाल पुलिस क्लब पुगेका उनले त्यहाँ ९ वर्ष बिताए । दुई वर्षअघि दुबई गएका रोशनले यस पटक नेपाल फर्केर श्री कुमारीबाट बी डिभिजन लिग खेलेका हुन् ।

रोशन खड्का
लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय