News Summary
Generated by OK AI. Editorially reviewed.- तीनकुने घटनाका प्रतिवादीहरूको थुनछेक बहस सुरु भएको छ ।
- काठमाडौं जिल्ला अदालतमा थुनछेक बहस सुरु भएको हो ।
- गतज्ञछ चैतमा राजावादीले गरेको प्रदर्शन हिंसात्मक हुँदा दुईको ज्यान गएको थियो भने आगजनी, तोडफोड र लुटपाट पनि भएको थियो ।
२१ जेठ, काठमाडौं । तीनकुने घटनाका प्रतिवादीहरूको थुनछेक बहस सुरु भएको छ । बुधबार दुर्गा प्रसाईंसहित ३९ जनाको थुनछेक बहस सुरु भएको हो ।
जिल्ला अदालत काठमाडौंका न्यायाधीश ध्रुवकुमार कार्कीको इजलासमा बहस जारी छ ।
अदालतमा गत ११ जेठमा अभियोग पत्र दर्ता भएसँगै बकपत्र चलिरहेको थियो । बकपत्र सकिएपछि जिल्ला सरकारी वकिल कार्यालयका तर्फबाट बुधबारदेखि थुनछेक बहस सुरु भएको हो ।
गत चैत १५ मा काठमाडौंको तीनकुनेमा राजावादीले आयोजना गरेको प्रदर्शन हिंसात्मक हुँदा दुईजाको ज्यान गएको थियो भने आगजनी, तोडफोड र लुटपाटका घटना भएका थिए । प्रहरीले सो हिंसात्मक घटनामा संलग्न रहेको भन्दै ६५ जनाविरुद्ध काठमाडौं जिल्ला अदालतमा मुद्दा दायर गरेको छ ।
राज्यविरुद्धको कसुर, आपराधिक उपद्रवलगायतका मुद्दामा उनीहरूलाई प्रतिवादी बनाइएको छ ।
प्रसाईंसहित आठजनालाई कर्तव्य ज्यान र ज्यान मार्ने उद्योगमा पनि प्रतिवादी बनाइएको छ । उनीहरूमध्ये अभियोग पत्रसाथ अदालतमा पेश गरिएका ३९ जनाको एकसाथ थुनछेक सुरु भएको हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg)
.jpg)
प्रतिक्रिया 4