मूल्यसूची नराख्ने एवाई अटो ट्रेडिङलाई ५१ हजार जरिबाना

News Summary

Generated by OK AI. Editorially reviewed.

वाणिज्य, आपूर्ति तथा उपभोक्ता संरक्षण विभागले ११ उद्योग तथा फर्मको अनुगमन गरी ५१ हजार रुपैयाँ जरिबाना तिराएको छ।
काठमाडौंको एवाई अटो ट्रेडिङ कन्सर्नलाई दर्ता प्रमाणपत्र र मूल्यसूची नराखेकाले जरिबाना तिराइएको विभागले जनाएको छ।
विभागले बजार पारदर्शीता र उपभोक्ता संरक्षणका लागि अनुगमन तीव्र बनाएको छ।

२८ जेठ, काठमाडौं । वाणिज्य, आपूर्ति तथा उपभोक्ता संरक्षण विभागले बुधबार एक उद्योग तथा फर्मलाई ५१ हजार रुपैयाँ जरिबाना तिराएको छ । विभागको अनुगमन टोलीले नियमित अनुगमन अन्तर्गत आज ११ वटा उद्योग तथा फर्म अनुगमन गरेको थियो ।

अनुगमन क्रममा काठमाडौं महानगरपालिका–३० स्थित एवाई अटो ट्रेडिङ कन्सर्नलाई ५१ हजार रुपैयाँ जरिबाना तिराइएको हो । उक्त उद्योगले दर्ता प्रमाणपत्र र मूल्यसूची नराखेको पाइएपछि उपभोक्ता संरक्षण ऐन २०७५ को दफा ३८ ९ट० बमोजिमको कसुर र सोही ऐनको दफा ३९ को १ (घ) बमोजिम जरिबाना तिराइएको विभागले जानकारी दिएको छ ।

यस्तै विभागको टोलीले अनुगमन गरेका ७ उद्योग तथा फर्मलाई व्यवसायसँग सम्बन्धित कागजात सहित ३ दिनभित्र विभागमा उपस्थित हुन निर्देशन दिएको छ भने ३ उद्योगलाई सामान्य निर्देशन मात्रै दिएको छ ।

पछिल्लो समय विभागले बजार पारदर्शी बनाउन र उपभोक्तालाई ठगिनबाट जोगाउन एमआरपी सहितको लेबलले महत्त्वपूर्ण भूमिका खेल्ने भन्दै बजार अनुगमन तीव्र बनाएको छ ।