२०८२ असार १५ गते १९:१६ 
News Summary
Generated by OK AI. Editorially reviewed.- एएफसी महिला एसियन कप छनोट अन्तर्गत नेपालले लाओससँग पहिलो हाफमा २-० को अग्रता बनाएको छ।
- नेपालका अनिता बस्नेत र कप्तान साबित्राले गोल गरे भने साम्बाको यो ५९औं गोल हो।
- यसै खेलबाट सावित्राले कप्तानी डेब्यु गरेकी हुन् ।
१५ असार, काठमाडौं । उज्बेकिस्तानमा आजदेखि सुरु भएको एएफसी महिला एसियन कप छनोट अन्तर्गत लाओससँगको खेलमा नेपाल पहिलो हाफमा २-० ले अगाडि छ ।
नेपालका लागि अनिता बस्नेत र कप्तान साबित्रा भण्डारीले १-१ गोल गरे । कप्तानी डेब्यूमै गोल गरेकी साम्बाको राष्ट्रिय टोलीका लागि यो ५९औं गोल हो ।
खेलमा नेपालले थुप्रै अवसरहरू सिर्जना गरिरहेको छ । फिनिसिङमा केही चुक्दा अग्रता फराकिलो बनाउनबाट भने चुकिरहेको छ । लाओसले स्पष्ट रूपमा कुनै मौका सिर्जना गर्न सकेको छैन ।
नेपाली टोलीमा आज व्यापक परिवर्तन गरिएको छ । यसअघि कप्तान गर्दै आएकी एन्जिला तुम्बापो सुब्बा, प्रीति राई जस्ता खेलाडी बेन्चमा रहँदा अन्जना राना मगर र सरस्वती हमालले पहिलो रोजाईँमा अवसर पाएका हुन् ।
कप्तानीको जिम्मा साबित्रालाई दिइँदा सरस्वती हमालले डेब्यू गरेकी छन् ।
प्रतिक्रिया 4