शिवम् सिमेन्टको नाफा ३ गुणा बढ्यो

News Summary

Generated by OK AI. Editorially reviewed.

शिवम् सिमेन्टको गत आर्थिक वर्षको चौथो त्रैमासिक खुद नाफा ७९ करोड ४१ लाख रुपैयाँ पुगेको छ, जुन अघिल्लो वर्षको तुलनामा तीन गुणा बढी हो।
कम्पनीको बिक्री लागत घट्दा नाफामा उल्लेख्य योगदान पुगेको छ, बिक्री आम्दानी ७ अर्ब ७६ करोड र बिक्री लागत ६ अर्ब ३ करोड रुपैयाँ रहेको छ।
वित्तीय लागत घटेर ४ करोड ९६ लाख रुपैयाँबाट १ करोड रुपैयाँमा झरेको छ, वार्षिक प्रतिसेयर आम्दानी १४ रुपैयाँ ५५ पैसा र सेयर मूल्य ६३३ रुपैयाँ ९० पैसा रहेको छ।

२८ साउन, काठमाडौं । शिवम् सिमेन्टको नाफा तीन गुणा बढेको छ ।

कम्पनीले सार्वजनिक गरेको गत आर्थिक वर्षको चौथो त्रैमासिक वित्तीय विवरणअनुसार खुद नाफा ७९ करोड ४१ लाख रुपैयाँ छ । गत आर्थिक वर्षको यसै अवधिमा खुद नाफा २५ करोड ९६ लाख रुपैयाँ थियो । कम्पनीको बिक्री लागत घट्दा नाफामा उल्लेख्य योगदान पुगेको हो ।

कुल बिक्री आम्दानी सामान्य बढेको छ । बिक्री आम्दानी अघिल्लो आर्थिक वर्ष ७ अर्ब ७० करोड रुपैयाँ रहेकोमा गत आर्थिक वर्ष ७ अर्ब ७६ करोड रुपैयाँ छ । त्यस्तै बिक्री लागत अघिल्लो आर्थिक वर्ष ६ अर्ब ६६ करोड रुपैयाँ रहेकोमा गत आर्थिक वर्ष ६ अर्ब ३ करोड छ ।

साथै बैंकको ब्याज घट्दा वित्तीय लागत पनि घटेको छ । पहिले यस्तो लागत ४ करोड ९६ लाख रुपैयाँ रहेकोमा गत आर्थिक वर्ष १ करोड रुपैयाँ छ ।

कम्पनीको वार्षिक प्रतिसेयर आम्दानी १४ रुपैयाँ ५५ पैसा छ । त्यस्तै प्रतिसेयर नेटवर्थ १८८ रुपैयाँ ५७ पैसा छ । मंगलबार बजार बन्द हुँदा सेयर मूल्य प्रतिकित्ता ६३३ रुपैयाँ ९० पैसा छ ।