२०८२ भदौ १३ गते १३:२६ 
News Summary
Generated by OK AI. Editorially reviewed.- नेपालले आगामी भदौ २१ र २४ मा बंगलादेशसँग हुने दुई मैत्रीपूर्ण फुटबल खेलका लागि २३ सदस्यीय टोली घोषणा गरेको छ।
- टोलीको कप्तानी किरण चेम्जोङले गर्नेछन् र मुख्य प्रशिक्षक म्यट रसले टोली चयन गरेका छन्।
- अमित लामा र आदित्य शाक्य पहिलोपटक राष्ट्रिय टोलीमा स्थान बनाएका छन् र खेलहरू एएफसी एसियन कप छनोट तयारीका लागि महत्वपूर्ण छन्।
१३ भदौ, काठमाडौं । आगामी सेप्टेम्बर ६ र ९ (भदौ २१ र २४) मा बंगलादेशसँग हुने दुई अन्तर्राष्ट्रिय मैत्रीपूर्ण फुटबल खेलका लागि नेपालको अन्तिम टोली घोषणा भएको छ ।
काठमाडौंस्थित दशरथ रंगशालामा हुने खेलका लागि मुख्य प्रशिक्षक म्यट रसले किरण चेम्जोङको कप्तानीमा २३ सदस्यीय नेपाली टोलीको घोषणा गरेका हुन् ।
पछिल्लोपटक लाओससँग खेलेको टोलीबाट केही खेलाडीहरू परिवर्तन भएका छन् । उनीहरूमध्ये केही नेपालको यू-२३ टोलीमा भएकाले सिनियर टोलीमा छैनन् ।
त्यस्तै अमित लामा र आदित्य शाक्य पहिलोपटक राष्ट्रिय टोलीमा स्थान बनाएका छन् ।
दुवै मैत्रीपूर्ण खेलहरू फिफाको अन्तर्राष्ट्रिय म्याच विन्डो अन्तर्गत रहेका छन् । यस मैत्रीपूर्ण खेल नेपालका लागि एएफसी एसियन कप छनोटको तयारीमा महत्वपूर्ण हुनेछ।
नेपालले पछिल्लोपटक हङकङसँगको मैत्रीपूर्ण फुटबल खेल तथा एएफसी एसियन कप छनोटअन्तर्गत लाओसविरुद्धको खेल खेलेको थियो ।
त्यसमा खेलेका कृतिश रत्न छुन्जु, आयुष घलान र सुमित श्रेष्ठ एएफसी यू-२३ एसियन कप छनोटका लागि नेपालको यू-२३ टोलीको प्रशिक्षणमा छन् ।
नेपालको टोली : किरण चेम्जोङ (कप्तान), मणि लामा, मनिष डाँगी, अभिषेक लिम्बु, आदित्य शाक्य, अमित लामा, रनदिप पौडेल, अनन्त तामाङ, अन्जन विष्ट, रोहन कार्की, रोहित चन्द, एरिक बिस्ट, समीर तामाङ, दीप कार्की, दिनेश हेन्जन, जिलेस्पी जंग कार्की, कुशल देउवा, सिर्जन राज, सुवास ठकुरी बम, सुमन श्रेष्ठ, टिकेन्द्र थापा, योगेश गुरुङ, लेकेन लिम्बु
प्रतिक्रिया 4