२०८२ भदौ १३ गते २१:२४ 
News Summary
Generated by OK AI. Editorially reviewed.- नेपालगन्ज १० नाइट रनका विजेताले थाइल्याण्डको विश्वस्तरीय बाङ्सेन रनिङ सिरिजमा सहभागी हुने अवसर पाउने भएका छन्।
- नेपालगन्ज म्याराथन र बाङ्सेन सिरिजबीच समझदारी पत्रमा हस्ताक्षर भएको छ जसले खेलाडीलाई निःशुल्क दर्ता र आतिथ्यता उपलब्ध गराउनेछ।
- नेपालगन्ज म्याराथनले लन्डन, भ्यालेन्सिया र ओसाका म्याराथनमा नेपाली धावकलाई अवसर दिने तयारी गरेको छ।
१३ भदौ, काठमाडौं । नेपालगन्ज १० नाइट रनका विजेताले थाइल्याण्डको विश्वस्तरीय बाङ्सेन रनिङ सिरिज मा सहभागी हुने अवसर पाउने भएका छन्।
सम्झौताअनुसार नेपालगन्ज म्याराथनको सिफारिसमा जाने खेलाडी, अफिसियल तथा सहभागीलाई थाइल्याण्डमा निःशुल्क दर्ता र आतिथ्यता मिल्नेछ। सोही सुविधा नेपालगन्ज म्याराथनले पनि बाङ्सेनको सिफारिसमा आउने पाहुनालाई उपलब्ध गराउनेछ।
धारा नेपालगन्ज म्याराथनका संस्थापक टीएस ठकुरी र बाङ्सेन सिरिजका संस्थापक रुट जिरोअजवानिचकर्नबीच समझदारी पत्रमा हस्ताक्षर भएको हो। ठकुरीले यसलाई नेपाली धावक र आयोजकका लागि ठूलो सिक्ने अवसर मिलेको भन्दै धन्यवाद दिएका छन्।
बाङ्सेन सिरिजमा बाङ्सेन २१ (प्लाटिनम लेभल), बाङ्सेन ४२ र बाङ्सेन १० (इलाइट लेभल) जस्ता उच्चस्तरीय दौड हुने गर्छन्।
नेपालगन्ज म्याराथन यसअघि लन्डन म्याराथनमा नेपाली धावकलाई अवसर दिँदै आएको थियो। यस वर्षदेखि भ्यालेन्सिया (स्पेन) र ओसाका (जापान) म्याराथनमा पनि सहभागिता दिने तयारी भएको छ।
नेपालगन्ज म्याराथनको छातामुनि नियमित हुने इभेन्टहरूमा गौघाट ग्रीन रन (असोज २८), राप्तीसोनारी नेचर रन (कात्तिक १), धारा नेपालगन्ज म्याराथन (मंसिर ६), नेपालगन्ज कनक्लेव (५औं संस्करण) (मंसिर ५), कर्णाली हाफ म्याराथन (मंसिर अन्तिम शनिबार), काठमाडौं २५के हेरिटेज रेस (मे १), नेपाल इन्टरनेसनल रनिङ कन्फ्रेन्स (अप्रिल मसान्त) रहेका छन् ।
नेपालगन्ज १० नाइट रन भने हरेक असोज ३ गते संविधान दिवसको अवसरमा आयोजना हुँदै आएको छ।
प्रतिक्रिया 4