हिमालयन बैंकको एफपीओ नेप्सेमा सूचीकृत

News Summary

Generated by OK AI. Editorially reviewed.

हिमालयन बैंकको ९२ लाख ५० हजार ४६९ कित्ता एफपीओ सेयर १५ भदौमा सेयर बजारमा सूचीकृत भएको छ।
एफपीओ सूचीकृत भएसँगै डिम्याट खातामा आएलगत्तै सेयर कारोबार हुन सक्नेछ।
बैंकले सर्वसाधारणलाई ३० प्रतिशत सेयर पुर्‍याउन एफपीओ जारी गरेको हो, हाल सर्वसाधारण समूहमा २७ प्रतिशत सेयर छ।

१५ भदौ, काठमाडौं । हिमालयन बैंकको एफपीओ सेयर बजारमा सूचीकृत भएको छ । बैंकको ९२ लाख ५० हजार ४६९ कित्ता एफपीओ सूचीकृत भएको हो । एफपीओ सूचीकृत भएसँगै अब डिम्याट खातामा आएलगत्तै कारोबार हुन सक्नेछ ।

९ लाख २५ हजार ४६ जनाल बैंकको एफपीओ पाएका छन् । यीमध्ये पनि ९ जनाले ११ कित्ताका दरले सेयर पाएका छन् भने ९ लाख २५ हजार ३७ जनाले १० कित्ताका दरले पाएका छन् ।

सर्वसाधारण समूहमा बैंकको सेयर हिस्सा ३० प्रतिशत पनि नपुगेपछि एफपीओ जारी भएको हो । बैंक तथा वित्तीय संस्था सम्बन्धी ऐनमा बैंक, विकास बैंक, फाइनान्स तथा लघुवित्तले सर्वसाधारणलाई कम्तीमा ३० प्रतिशत सेयर जारी गर्नैपर्ने व्यवस्था छ ।

हाल सर्वसाधारण समूहमा बैंकको सेयर हिस्सा जम्मा २७ प्रतिशत छ । अंकित मूल्य १ सयमा ५७ रुपैयाँ प्रिमियम थप गर्दै प्रतिकित्ता १५७ रुपैयाँका दरले बैंकले एफपीओ जारी गरेको हो । हाल बजारमा सेयर मूल्य प्रतिकित्ता २०६ रुपैयाँ छ ।