२०८२ असोज ६ गते १०:३५ 
News Summary
Generated by OK AI. Editorially reviewed.- क्यारेबियन प्रिमियर लिग २०२५ को उपाधि ट्रिनबागो नाइट राइडर्सले गुएना अमेजन वारियर्सलाई ३ विकेटले हराउँदै जितेको छ।
- नाइट राइडर्सले १३१ रनको लक्ष्य २ ओभर बाँकी छँदा ७ विकेटको क्षतिमा पूरा गरेको थियो।
- वारियर्सका कप्तान इमरान ताहिरले ३ विकेट लिए भने नाइट राइडर्सका सौरभ नेत्रवल्करले ३ विकेट लिए।
६ असोज, काठमाडौं । क्यारेबियन प्रिमियर लिग (सीपीएल) क्रिकेट २०२५ को उपाधि ट्रिनबागो नाइट राइडर्सले जितेको छ । नेपाली समयअनुसार सोमबार विहान सम्पन्न फाइनल खेलमा गुएना अमेजन वारियर्सलाई ३ विकेटले हराउँदै नाइट राइडर्सले पाँचौंपटक सीपीएलको उपाधि जितेको हो ।
वारियर्सले दिएको १३१ रनको लक्ष्य नाइट राइडर्सले २ ओभर बाँकी छँदा ७ विकेटको क्षतिमा पूरा गर्यो । एलेक्स हेल्सले सर्वाधिक २६ रन बनाए । कोलिन मनरोले २३, सुनिल नराइनले २२ तथा कायरन पोलार्डले २१ रन बनाए ।
वारियर्सका कप्तान इमरान ताहिरले ३ विकेट लिए भने ड्वेन प्रेटोरियस र शमार जोसेफले २-२ विकेट लिए ।
त्यसअघि टस जितेर पहिले ब्याटिङ गरेको वारियर्सले २० ओभरमा ८ विकेट गुमाएर १३० रन बनाएको थियो । इफ्तिखार अहमदले ३० रन बनाए भने बेन मेकडरमोटले २८ तथा प्रेटोरियसले २५ रन बनाए ।
नाइट राइडर्सका सौरभ नेत्रवल्करले ३ विकेट लिए । अकिल होसेनले २ तथा आन्द्रे रसेल र उसमान तारिकले १-१ विकेट लिए ।
लिग चरणमा वारियर्स दोस्रो र नाइट राइडर्स तेस्रो भएर प्लेअफमा पुगेका थिए ।
नाइट राइडर्सले यसअघि सन् २०१५, २०१७, २०१८ र २०२० मा उपाधि जितेको थियो ।
प्रतिक्रिया 4