२०८२ कात्तिक १५ गते १०:५७ 
News Summary
Generated by OK AI. Editorially reviewed.- आईसीसी विश्व क्रिकेट लिग २ अन्तर्गत यूएईमा जारी शृंखलामा नेपालले अमेरिकाविरुद्ध दोस्रो खेलमा पहिले ब्याटिङ गर्दैछ।
- अमेरिकाका कप्तान मोनांक पटेलले टस जितेर पहिले फिल्डिङ गर्ने निर्णय लिएका छन्।
- नेपालले सोमपाल कामीको स्थानमा नन्दन यादवलाई टोलीमा समावेश गरेको छ र अब बाँकी दुवै खेल जित्नुपर्ने दबाबमा छ।
१५ कात्तिक, काठमाडौं । आईसीसी विश्व क्रिकेट लिग २ अन्तर्गत यूएईमा जारी ओडिआई शृंखलाको आफ्नो दोस्रो खेलमा नेपालले अमेरिकाविरुद्ध पहिले ब्याटिङ गर्दै छ ।
दुबईस्थित आईसीसी एकेडेमीमा भइरहेको खेलमा अमेरिकाका कप्तान मोनांक पटेलले टस जितेर पहिले फिल्डिङ गर्ने निर्णय लिएका हुन् ।
नेपालले अघिल्लो खेलबाट एक परिवर्तन गरेको छ । सोमपाल कामीको स्थानमा नन्दन यादव टोलीमा आएका छन् ।
जारी शृंखलामा नेपालले खेलेका दुवै खेलमा हार बेहोरेको छ । पहिलो खेलमा नेपालले अमेरिकासँग १०६ रनको लज्जास्पद हार बेहोरेको थियो ।
त्यस्तै दोस्रो खेलमा बिहीबार यूएईसँग ५ विकेटले पराजित भएको थियो । नेपाललाई अब बाँकी दुवै खेल जित्नुपर्ने दबाब छ ।
अमेरिकाले भने नेपाल र यूएई दुवैलाई हराइसकेको छ र लिग २ मा दबदबा कायमै राखेको छ ।
नेपालको प्लेइङ ११ : कुशल भुर्तेल, आसिफ शेख, भीम सार्की, रोहित पौडेल, आरिफ शेख, दीपेन्द्रसिंह ऐरी, गुल्शन झा, नन्दन यादव, करण केसी, सन्दीप लामिछाने, ललित राजवंशी
प्रतिक्रिया 4