नेपाल उद्योग वाणिज्य महासंघलाई ब्रिटिस काउन्सिल गोइङ ग्लोबल पार्टनरसिप अवार्ड

News Summary

Generated by OK AI. Editorially reviewed.

नेपाल उद्योग वाणिज्य महासंघले ब्रिटिस काउन्सिल गोइङ ग्लोबल पार्टनरसिप अवार्ड २०२५ प्राप्त गरेको छ।
अवार्ड नेपालमा हरित सिप विकास र सार्वजनिक निजी क्षेत्र सहकार्यमा पुर्‍याएको योगदानका लागि प्रदान गरिएको हो।
शिक्षा, विज्ञान तथा प्रविधि मन्त्रालयका सचिव चुडामणि शर्माले लन्डनमा आयोजित सम्मेलनमा अवार्ड ग्रहण गरी महासंघका महानिर्देशक गोकर्णराज अवस्थीलाई हस्तान्तरण गरे।

११ मंसिर, काठमाडौं । नेपाल उद्योग वाणिज्य महासंघले ब्रिटिस काउन्सिल गोइङ ग्लोबल पार्टनरसिप अवार्ड २०२५ प्राप्त गरेको छ ।

नेपालमा हरित सिप विकास तथा सार्वजनिक र निजी क्षेत्रबीच सहकार्यमा पुर्‍याएको योगदानको लागि महासंघले सो अवार्ड प्राप्त गरेको हो । यो अवार्डको घोषणा अक्टोबर २८ का दिन लन्डनमा आयोजित गोइङ ग्लोबल २०२५ सम्मेलनका क्रममा प्रदान गरिएको थियो ।

सोही अवसरमा नेपाली साझेदारहरूको तर्फबाट शिक्षा, विज्ञान तथा प्रविधि मन्त्रालयका सचिव चुडामणि शर्माले अवार्ड ग्रहण गरे । नेपालमा पहिलो पटक ग्रीन स्किल्स एडभाइजरी बोर्ड (जिसाब) को औपचारिक शुभारम्भ कार्यक्रम अवसरमा सचिव शर्माले महासंघका महानिर्देशक गोकर्णराज अवस्थीलाई सो अवार्ड हस्तान्तरण गरे ।

सो अवसरमा बोल्दै सचिव पौडेलले यो अवार्डले बेलायत र नेपालका संस्थाबीचको उत्कृष्ट साझेदारीलाई सम्मान गरेको धारणा राखे ।

गोइङ ग्लोबल पार्टनरसिप अवार्ड अन्तर्गत ब्रिटिस काउन्सिलको गोइङ ग्लोबल पार्टनरसिप कार्यक्रमको पाँचौं वार्षिकोत्सवका अवसरमा यस अवार्डबाट संस्थाको सहयोगमा सञ्चालित प्रभावकारी, विशिष्ट र प्रेरणादायी परियोजनालाई सम्मान गरिएको हो ।