जलेको सिंहदरबारका संरचना चाँडै पुनर्निर्माण हुनेमा पूर्वराष्ट्रपति भण्डारीको विश्वास

News Summary

Generated by OK AI. Editorially reviewed.

पूर्वराष्ट्रपति विद्यादेवी भण्डारीले भदौ २४ गतेको आन्दोलनले क्षतिग्रस्त सिंहदरबार परिसर चाँडै पुनर्निर्माण हुने विश्वास व्यक्त गरिन्।
उनले सिंहदरबारको ध्वस्त संरचना अवलोकन गरी दु:ख लागेको बताउनुभयो र पुनर्निर्माणको आशा व्यक्त गरिन्।
पूर्वराष्ट्रपति भण्डारीलाई सञ्चारमन्त्री जगदीश खरेलले स्वागत गरी कार्यालय अवलोकन गराएका थिए र उनले प्रधानमन्त्री सुशीला कार्कीसँग भेट गरिन्।

२१ मंसिर, काठमाडौं । पूर्वराष्ट्रपति विद्यादेवी भण्डारीले गत भदौ २४ गतेको आन्दोलनका कारण क्षतिग्रस्त सिंहदरबार परिसरका संरचना चाँडै पुनर्निर्माण हुने विश्वास व्यक्त गरेकी छन् ।

गत भदौ २४ गतेको आन्दोलनका कारण क्षतिग्रस्त भएको सिंहदरबारका संरचनाहरुको अवलोकनपछि पूर्वराष्ट्रपति भण्डारीले संरचना ध्वस्त भएको देखेर आफूलाई दु:ख लागेको बताइन् ।

साथै उनले नेपाल सरकारले यी संरचनाहरूलाई चाँडै पुनर्निर्माण गर्ने विश्वास व्यक्त गरिन् ।

पूर्वराष्ट्रपति भण्डारीले भविष्यमा यस्ता घटना नहोस् भन्ने कामना समेत गरिन् । सिंहदरबार परिसरमा उनले साविकको प्रधानमन्त्री तथा मन्त्रिपरिषद्को कार्यालयलगायतको क्षतिग्रस्त कार्यालयको अवलोकन गरेकी थिइन् ।

पूर्वराष्ट्रपति भण्डारीलाई सञ्चार तथा सूचना प्रविधिमन्त्री जगदीश खरेलले स्वागत गर्दै कार्यालयहरुको अवलोकन गराएका थिए ।

कार्यालय अवलोकनपछि पूर्वराष्ट्रपति भण्डारीले प्रधानमन्त्री सुशीला कार्कीसँग भेट गरेकी थिइन् ।